කැලණිවැලි ලේඛක සංසදය මගින් සංවිධානය කරන ලද ‘හොඳම කියවන්නෝ’ පොත් කියැවීමේ ව්යාපෘතියේ ත්යාග හා සහතික ප්රදානෝත්සවය 2019 නොවැම්බර් මස පළමුවැනිදා හෝමාගම පිංබිම ධර්මායතනයේ දී සිදු කෙරිණි.
පාසල් සිසුන්ගේ කියැවීමේ රුචිය නංවා ලීමේ අරමුණ ඇතිව, හෝමාගම කලාප අධ්යාපන කාර්යාලයේ සහයෝගයෙන් සංවිධානය කෙරුණු මෙම වැඩසටහනට හෝමාගම අධ්යාපන කලාපයේ 7, 8, 9 ශ්රේණිවල සිසු සිසුවියන් දහසක් පමණ සහභාගි වූහ. ඒ අතරින් වැඩිම පොත් ප්රමාණයක් කියැවූ සිසු සිසුවියන් 141 දෙනෙකුට ත්යාග හා සහතිකපත් ප්රදානය කිරීම මෙහිදී සිදුවිය. ඔවුන් අතුරින් 1 - 10 ස්ථාන හිමි කරගත් සිසුන් 19 දෙනකුට විශිෂ්ට කුසලතා සහතික හා ත්යාග පිරිනමන ලදී. ඉතිරි 122 දෙනාට කුසලතා හා ත්යාග පිරිනමන ලදී. ත්යාග වශයෙන් මේ හැමදෙනාට පොත් පිරිනමන ලදී.
උත්සවය ආරම්භයේ දී ශිෂ්යයෙකු විසින් ජාතක පොත් වහන්සේට පොල්තෙල් පහනක් දැල්වීම මෙහි විශේෂත්වයක් විය. හෝමාගම අධ්යාපන කලාපයේ බුද්ධ ධර්මය හිටපු උපදේශක පූජ්ය කාල්වානේ සරණංකර හිමියෝ පිරිස පංචශීලයෙහි පිහිටුවා අනුශාසනයක් කළහ.
ආරාධිත දේශනය පවත්වන ලද්දේ ශ්රී ජයවර්ධනපුර විශ්ව විද්යාලයේ සමාජ විද්යා මානව විද්යා අධ්යයනාංශයේ ජ්යේෂ්ඨ කථිකාචාර්ය, ආචාර්ය ඒ. ඒ. ජයන්ත ජයසිරි මහතා විසිනි. හෝමාගම ප්රාදේශීය ලේකම් බුද්ධි තරංගා කරුණාසේන මහත්මිය, සහ හෝමාගම අධ්යාපන කලාපයේ සහකාර අධ්යාපන අධ්යක්ෂ (පාසල් පරිපාලන) හේමන්ත ගමගේ හා කැලණිවැලි ලේඛක සංසදයේ සභාපති පියසිරි මාතරගේ, සම ලේකම් යූ. එච්. මෛත්රීපාල යන මහත්වරු ද සභාව ඇමතූහ.
සංසදයේ සමලේකම් හේමා කුරුප්පු මහත්මිය විසින් රචිත පොතේගුරු ගීතය ප්රවීණ රංගධර අරුණ චුල්ලසිරි හේවාමද්දුම මහතා විසින් ගායනා කරනලදී. අරුණ චුල්ලසිරි හේවාමද්දුම, නිමල් තිලකරත්න, හේමා කුරුප්පු, ගීතාංජලී ගුණසේකර, සුනාලි ජයලතා, සහ සුනිලා දමයන්ති සන සංසදයේ සාමාජික සාමාජිකාවෝ කැලණිවැලි ලේඛක සංසදයේ තේමා ගීතය ගායනා කළහ. පියසිරි මාතරගේ මහතා විසින් රචිත, කිරිවත්තුඩුව ජයතිලක විද්යාලයේ සංගීතාචාරිනී ඒ. හර්ෂණී මේකලා මහත්මිය විසින් සංගීතය සපයන ලද කියැවීමේ ගීතය ගායනා කරන ලද්දේ කිරිවත්තුඩුව ජයතිලක විද්යාලයේ ශිෂ්ය ශිෂ්යාවන් විසිනි.
‘හොඳම කියවන්නෝ’ පොත් කියැවීමේ ව්යාපෘතිය අනුව 2019 මාර්තු මාසයේ සිට සැප්තැම්බර් දක්වා කාලය තුළ තම විදුහල් පුස්තකාලයේ ඇති පොත් කියවා සටහන් තැබීමට උපදෙස් දෙන ලදී. දීපංගොඩ ශ්රී මේධානන්ද මහා විද්යාලයේ 8 ශ්රේණියේ. පී. කේ. නෙත්මි කවීෂා ශිෂ්යාව පොත් 149 ක් කියවා ප්රථම ස්ථානය හිමි කර ගත්තා ය. කිරිවත්තුඩුව ජයතිලක විද්යාලයේ සිසුවියන් තිදෙනෙක් පොත් 75 බැගින් කියවා දෙවන ස්ථානය හිමි කර ගත්හ. තෙවන ස්ථානය ද එම විදුහලේ ශිෂ්යාවකට හිමි විය.
1 - 3 දක්වා ස්ථාන හිමි කර ගත් සිසුන් මෙසේ ය.
01. පී. කේ. නෙත්මි කවීෂා, 8 ශ්රේණිය - බප/හෝ/ දීපංගොඩ ශ්රී මේධානන්ද ම. වි.
02. කේ. එල්. කාවින්දි කෞශල්යා, 9 ශ්රේණිය - බප/හෝ/ කිරිවත්තුඩුව ජයතිලක ක. වි.
02. කේ. ඒ චාතුර්යා දිව්යාංජලී, 9 ශ්රේණිය - බප/හෝ/ කිරිවත්තුඩුව ජයතිලක ක. වි.
02. ජී. නිමේෂා නිලුපුලී, 9 ශ්රේණිය - බප/හෝ/ කිරිවත්තුඩුව ජයතිලක ක. වි.
03. කේ. ජේ. කේ. සෙව්මිණි පුෂ්පකුමාරි, 7 ශ්රේණිය- බප/හෝ/ කිරිවත්තුඩුව ජයතිලක ක. වි.
‘කලණ වරුණ‘ සඟරාවේ මංගල කලාපය එළිදැක්වීම
සංසදය මගින් ප්රකාශයට පත්කෙරුණු, ‘කලණ වරුණ‘ සඟරාවේ මංගල කලාපය එළිදැක්වීම ද මෙම උත්සවයේදී සිදුවිය. ඉදිරියේදී එය සිවු මාසික ප්රකාශනයක් ලෙස ප්රසිද්ධියට පත්කරනු ඇත.
කැලණිවැලි ලේඛක සංසදයේ සාමාජිකයන්, සිසු සිසුවියන්ගේ දෙමාපියන් ඇතුළු විශාල පිරිසක්ද මෙම උත්සව අවස්ථාවට සම්බන්ධ වූහ.
උත්සවයේ ඡායාරූප එකතුව
 |
| 'හොඳම කියවන්නෝ' ග්රාහකයන්ට ලබාදුන් සහතිකපතක් |
 |
| ජාතක පොතට පහන් දැල්වීම |
 |
| හෝමාගම ප්රාදේශීය ලේකම් තුමිය විසින් පොල්තෙල් පහන දැල්වීම |
 |
| හෝමාගම කලාපයේ සහකාර අධ්යාපන අධ්යක්ෂ තුමා විසින් පොල්තෙල් පහන දැල්වීම |
 |
| සංසදයේ සභාපති පියසිරි මාතරගේ මහතා පිළිගැනීමේ කතාව කරමින් |
